小朋友3招揀眼鏡　揀錯鏡框易頭痛【有片】

近視好遠視又好，無端端要戴眼鏡重疊疊壓住鼻仔，小朋友當然覺得不舒服。但假如「唔舒服到嗌頭痛」的話，家長就要注意，因為這很可能是揀選眼鏡框太窄身所致。

理大護眼（太古）中心眼科視光師蘇家敏表示，給兒童揀眼鏡框，不少家長都以為夠襟用點跌都唔爛就好，但其實想孩子戴眼鏡戴得穩陣、舒服又視物清晰，還有3個因素要考慮，先睇完聽她親自解話：

3個揀兒童眼鏡注意事項

1. 鏡框闊窄

眼鏡框大小要配合小朋友頭形，否則過大會容易鬆脫；而較細的鏡框雖然一定戴得穩陣，但一旦過窄箍住頭仔，就容易有頭痛不適。

2. 眼鏡重量

鏡框宜輕不宜重，因為小朋友戴的眼鏡愈重，一低頭讀書就愈會容易「跣眼鏡向前」影響視物焦點，令影像變得不清晰。

3. 鼻托設計

小朋友鼻樑較扁，要戴眼鏡戴得舒服，鏡框宜選擇有鼻托或鼻樑位置設計的款式，這樣戴眼鏡也會戴得較穩陣。

【其他熱話】選購行山鞋5個重點　識買鞋底要揀「狗牙」底

【其他熱話】喉嚨痕咳 中醫師教燉橙止咳法

【其他熱話】有種女友叫李佳芯：做自己認為對的事【有片】